Nuacht
Ealaíontóir Cónaithe le Gaeilge Earrach 2024
6 Meith 2024
An scríbhneoir Thaddeus Ó Buachalla
Ba mhór againn gur chaith an scríbhneoir Thaddeus Ó Buachalla seal inár measc an seimeastar seo mar Ealaíontóir Cónaithe le Gaeilge, a bhuí le tacaíocht Choláiste Dhámh na nDán. D’éirigh leis dul i bhfeidhm ar go leor mac léinn trí chuairt a thabhairt ar lucht na bunchéime agus lucht an MA sa Nua-Ghaeilge. Thug sé ceardlanna do mhuintir na Cuallachta agus ba bhreá an léacht a thug sé do Scoil Léann na Gaeilge agus don bpobal. Ghlac sé páirt in ócáid san Aula Maxima mar a raibh na healaíontóir cónaithe ó na Ranna éagsúla agus b’iontach go raibh an Ghaeilge le clos don gcéad uair ag an ócáid sin. Guímid gach rath air agus é i mbun úrscéil nua.
